Monday, July 25, 2016

මා හදවතින්ම ශ්‍රී ලාංකිය වන්නෙමිය (1)



වර්ථමානය වන විට ශ්‍රි ලංකාව මුහුණ දී ඇති සමාජ, දේශපාලන හා සංස්කෘතික පරිසරය මධ්‍යයේ මාද විදෙස් භාණ්ඩ හා සේවා භාවිතය නැට්ටටම දුරු කර ශ්‍රී ලාංකික දේ පමණක් භාවිතයට ගැනීමේ උත්කෘෂ්ඨ, උදාර සහ විලි ලැජ්ජා සහගත ජාතික මෙහෙවරට බොක්කෙන්ම සප් එක දීමට 4රෙන් 15වේ පොට් එකේ සිට ඒකමතිකව තීරණය කර මාගේ අතීසාර මිත්‍රයා වූ බොකා තුමා ද මේ උදාර කටයුත්ත සදහා එක්කාසු කර ගැනීමට තිරණය කලෙමි.



දින දෙකකට පමණ පසු දත කට මැද මූණ සෝදා ඇදුම් ඇද ගැනිමට සූදානම් වූවා පමණි. මාගේ උදාර මෙහෙවර මතක් විය. මා පර දේශයන්ගෙන් එන එව්වා මෙව්වා භාවිතා නොකරමි. පැකිං වත් කඩපු නැති මාගේ සුන්දර වවුල් රාජයා වැටට උඩිං අල්ලපු වත්තේය. ඒකා චීනේ සිට ලංකාවට පියාඹා ආ වවුලෙක්ය. විනාඩි පහක් වත් ගියේ නැතිය. අල්ලපු ගෙදර නකුටු කුක්කා උඩුබුරලනු ඇසින.(නකුටු දඩෝරියා කුරියා ගසා ඇති බැව් පසුව දැනගන්නට ලැබිණ).



යටිතල පහසුකම් සුනඛයාට දමා ඇද ගැනීමට ඩෙනිමක් ගත්තෙහිය. කරුමෙක මහත. මේඩිං යූකේ ය. චීකේ කියා සිතුනු මා ඩෙනිමද වැටට උඩිං අල්ලපු වත්තේය. මා හට ලබා ඇති ග්‍රහයා නීච වී පච වි ඇති බැව් තේරුනේ අදින්නට ටී ෂර්ට් එක අතට ගත් විටය. ඒ මංගල්‍යත් මේඩිං ඉංදියා ය.



මොන අවමංගල්‍යක් උනාද කියා එකොලොස් අතේ කල්පනා කර කර ඉන්න කොට වැරදීමකින් වගේ කන්නාඩිය දෙස බැළුනි. එහි දුටු ප්‍රථිබිම්භය දුටු මා එක දිගටම ඇග දුර්වල වී ක්ලාන්ත වීටම එනවා සේ දැනුනි. දනි පනි ගා දෑතින් දෑස වසාගත් මා ඇදට ලෑන්ඩ් කරන ලද්දෙමිය.



කතා දෙකක් නැත. දෙකක් තියා කතා තුනක් වත් නැත. මා හදවතින්ම විතරක් නොව මුළු සර්වාංගයෙන්ම සිරි ලාංකික වන්නෙමිය.

5 comments:

  1. // මාගේ සුන්දර වවුල් රාජයා වැටට උඩිං අල්ලපු වත්තේය. ඒකා චීනේ සිට ලංකාවට පියාඹා ආ වවුලෙක්ය //

    ගන්න වේයාර් වෙල්.. wear well

    විජේවීර ඉන්ඩස්ට්‍රීස් , මාතර

    ReplyDelete
  2. ලංකාවේ නිෂ්පාදන මොනවාද තියෙන්නේ?

    ReplyDelete